Nazarovun qolları komandasına qələbə qazandırdı

Almaniya 3-cü Bundesliqasında 26-cı turun oyunları keçirilir.

Futbolxeber.az saytının məlumatına görə, Azərbaycan millisinin yarımmüdafiəçisi Dmitri Nazarovun formasını geyindiyi “Aue” doğma meydanda “Essen”lə qarşılaşıb. Nazarovun komandası oyundan qələbə ilə ayrılıb - 2:1.

Nazarov da bu matçın iştirakçısı olub. O, start heyətində meydana çıxıb və 86-cı dəqiqədə Aleksander Sorqe ilə əvəzlənib. "Aue"nin qollarını elə məhz Dmitri vurub. O, 22 və 30-cu dəqiqələrdə penaltini dəqiq yerinə yetirib.

Qeyd edək ki, bu qələbə sayəsində xallarının sayını 33-ə çatdıran Nazarovun komandası 20 kollektiv arasında 13-cü pillədə qərarlaşıb.