Çaçiç Mahirin “Konyaspor”a keçməsinin səbəbini açıqladı

Zaqreb "Dinamo"sunun baş məşqçisi Ante Çaçiç yaxın vaxtlarda "Konyaspor"a icarəsi rəsmiləşəcək millimizin üzvü Mahir Emrelinin bu keçidi haqda danışıb.

Futbolxeber.az-ın klubun saytına istinadən verdiyi məlumata görə, o, hücumçu ilə bağlı deyib: "Emreli və Ştefuljun yazda mümkün qədər çox oyun keçirmələrinin yaxşı olacağını düşündük və buna görə də razılaşdıq ki, Emreli Türkiyəyə, Ştefulj isə Sloveniyaya icarəyə göndərilsin".

Qeyd edək ki, Emreli "Konyaspor"la bu mövsümün sonuna kimi icarə müqaviləsi imzalayacaq.