İtaliya klubunun hücumçusu stadionda azarkeşlərlə birgə pivə içdi

İtaliya “B” seriyasının 24-cü turunda “Venetsiya” öz meydanında SPAL üzərində 2:1 hesablı qələbə qazanıb.

Futbolxeber.az saytının xarici KİV-ə istinadən verdiyi məlumata görə, görüşdən sonra meydan sahiblərinin hücumçusu Poel Pohyanpalo qeyri-adi hərəkəti ilə diqqət çəkib.

Belə ki, finlandiyalı futbolçu oyundan dərhal sonra stadionda azarkeşlərlə birgə pivə içib. 2 məhsuldar ötürmə ilə görüşün qəhrəmanı olan Pohyanpalo meydanı tərk edərkən azakeşlərin qələbə sevincini onlarla birgə qeyd etmək təklifinə yox deməyib və pivə dolu stəkanı birdəfəyə başına çəkib.

Qeyd edək ki, cari mövsüm 23 tur ərzində 9 qol vuran Poel “Venetsiya”nın ən yaxşı bombardiridi.