“PSJ kimi komandaya qol vurmaq çox xoşdur”

“Monako”nun yarımmüdafiəçisi Aleksandr Qolovin PSJ üzərində qazandıqları 3:1 hesablı qələbədən danışıb.

Futbolxeber.az saytının məlumatına görə, rusiyalı yarımmüdafiəçi güclü rəqiblə görüşdə fərqlənməsindən razılıq edib:

“Təbii ki, PSJ kimi komandanın qapısına qol vurmaq çox xoşdur. Xüsusən də oyunun əvvəllərində. Bu, hər zaman əla özünəinam və xoş emosiyalar bəxş edir. Lakin ən əsas odur ki, biz vacib qələbə qazandıq. Düşünürəm ki, qələbəyə tam layiq idik. Həm hesabı erkən açdıq, həm də üçüncü qolu lazımi anda vurduq. Fasiləyə iki top üstünlüklə yollanmaq çox vacib idi. İkinci hissədə müdafiəyə daha çox diqqət yetirdik. Məqsədimiz turnir cədvəlində mümkün olduğu qədər irəliləməkdir. Qarşıda hələ çox oyun var. Bacardığımız qədər çox xal toplamağa çalışacağıq”.

Qeyd edək ki, “Monako”nun PSJ-nin 3:1 hesabı ilə məğlub etdiyi görüşdə hesabı 4-cü dəqiqədə Aleksandr Qolovin açıb.