Valverde Ançelottinin məşqçi lisenziyasını xilas etdi

Federiko Valverde cari mövsüm “Real”ın heyətində 10-cu qolunu vurub.

Futbolxeber.az saytının məlumatına görə, uruqvaylı futbolçu Klublararası dünya çempionatının finalında fərqlənib. O, 18-ci dəqiqədə “Əl-Hilal”ın qapısından ikinci qolu keçirib.

Bu qolla Valverde “Real”ın baş məşqçisi Karlo Ançelottinin məşqçi lisenziyasını xilas edib. Belə ki, italiyalı mütəxəssis ötən ilin sentyabrında bəyan etmişdi ki, Valverde cari mövsümdə 10-dan az qol vursa, o, məşqçi lisenziyasını cırıb atacaq. Göründüyü kimi, futbolçu məşqçisinin etimadını doğruldub.