Kassano Mourinyonu tənqid etdi

Antonio Kassano sabiq klubu “Roma”nın A seriyasının son turunda “Empoli” üzərində 2:0 hesablı qələbə qazandığı oyun barədə danışıb.

Futbolxeber.az saytının məlumatına görə, veteran futbolçu “Roma”nın baş məşqçisi Joze Mourinyonu tənqid edib:

“Roma” adi oyun oynadı: iki hissə, iki qol. Matçın taleyi ilk 10 dəqiqədə həll olundu. Mourinyo “Empoli”yə topa sahib olmağa imkan verdi. Lakin toskanalılar bundan yararlana bilmədilər. 70 min azarkeşin azarkeşin gözü önündə bu cür oynamaq olmaz. Əslində, Mourinyodan bundan artığını da gözləməyə dəyməz. O, 20 il ərzində eyni oyun tərzinə sadiqdir. Komanda üçün futbolçuları seçən odur, mən yox. Hamı nəticələrə baxır, amma gec və ya tez onun heç nəyə qadir olmadığı ortaya çıxacaq”.