Ançelotti Braziliya millisini çalışdıra bilər

Karlo Ançelotti yayda “Real”ı tərk edə bilər.

Futbolxeber.az saytının “Globo Esporte”yə istinadən verdiyi məlumata görə, italiyalı mütəxəssisin Braziliya milli komandasını çalışdırmaq ehtimalı var.

Ançelotti razılaşacağı halda, Braziliya Futbol Konfederasiyası iyuna qədər onu gözləməyə hazırdı.

Braziliya Futbol Konfederasiyasının prezidenti Ednaldo Rodriges bu ay ərzində Madridə səfər edərək həm italyan məşqçi ilə, həm də “Real”ın prezidenti Florentino Pereslə görüşməyi planlaşdırır.

Rodrigesin Ançelotti seçimində israr etməsinin əsas səbəblərindən biri onun braziliyalı futbolçularla yaxşı münasibətdə olmasıdır. Belə ki, Braziliya millisinin aparıcı üzvlərindən Vinisus Junior, Rodriqo Qoes və Eder Militao hazırda “Real”da məhz çıxış edir. Madrid klubunun sabiq üzvü Kazemiro da uzun illər italiyalı mütəxəssisin rəhbərliyi altında forma geyib.

Əgər Ançelotti ilə razılıq əldə olunmasa, o zaman Braziliya Futbol Konfederasiyasının digər namizədləri hazırda “Roma”nı çalışdıran Joze Mourinyo və “Fənərbaxça”nın baş məşqçisi Jorje Jezuşdur.