Namik "Bursaspor"a qələbə qazandırdı

Bu gün Türkiyə 1-ci Liqasında 34-cü tura start verilib.

Futbolxeber.az saytının məlumatına görə, Azərbaycan millisinin üzvü Namik Ələskərovun da çıxış etdiyi "Bursaspor" doğma meydanda "Dənizlispor"la qarşılaşıb. 

Matç meydan sahiblərinin minimal hesablı qələbəsi ilə başa çatıb - 1:0. Yeganə qolu məhz 30-cu dəqiqədə millimizin üzvü vurub. Namik 55-ci dəqiqədə isə penaltini qola çevirə bilməyib. Start heyətdə meydana daxil olan 27 yaşlı oyunçu 64-cü dəqiqədə əvəzlənib.

Qeyd edək ki, Ələskərov "Bursaspor"da 6 qol və 6 məhsuldar ötürmə ilə komandasının ən yaxşı oyunçusudur.

Əlavə edək ki, "Bursaspor" hazırda turnir cədvəlində 35 xalla 19 komanda arasında 18-ci pillədə qərarlaşıb.