Bu həftə 3 klub ÇL-dən qovula bilər

UEFA “Barselona”, “Real” və “Yuventus”un bu həftə Çempionlar Liqasından uzaqlaşdırması barədə qərar verəcək.

 

Futbolxeber.az saytının məlumatına görə, buna hər üç klubun Avropa Superliqasını yaratmasında fəal iştirakı səbəb olub.

 

Qeyd edək ki, adları çəkilən klublar hələ də superliqadan çəkildiklərini açıqlamayıblar.

 

Xatırladaq ki, daha əvvəl superliqada Avropanın 12 klubu iştirak edəcəyini təsdiqləmişdi. Bunlar «Real», "Barselona", "Atletiko" (hamısı İspaniya), "Mançester Siti", "Mançester Yunayted", "Liverpul", "Çelsi", "Arsenal", "Tottenhem” (hamısı İngiltərə), "Yuventus", "İnter" və "Milan" (hamısı İtaliya) idi. Lakin UEFA-nın sərt sanksiya xəbərdarlığından sonra “Real”, “Barselona” və “Yuventus” istisna olmaqla digər 9 klub yarışdan imtina etdiyini açıqlayıb.