Serb qapıçı Azərbaycandan təklif alıb

Son klubu Serbiya “Partizan”ı olan Nemanya Stevanoviç karyerasını Azərbaycanda davam etdirə bilər.

Futbolxeber.az saytının xarici KİV-ə isatinadən verdiyi məlumata görə, 28 yaşlı serbiyalı qapıçı Azərbaycan, Türkiyə və Kipr klublarından təklif alı. Futbolçunun karyerasını bu üç ölkədən birində davam etdirəcəyi qeyd olunur.

Qeyd edək ki, Stevanoviç “Partizan”da son mövsümdə cəmi 5 oyunda iştirak edib. Serbiya təmsilçisi qapıçının iyunun 30-da bitən müqaviləsini uzatmaq istəsə də, futbolçu bununla razılaşmayıb. Stevanoviç ölkə xaricində forma geyinmək niyyətindədir. Bu, baş tutarsa, qolkiper ilk dəfə vətənindən kənarda çıxış edəcək. Buna qədər o, Serbiyada “Belqrad”, “Çukariçki”, “Rad”, “Teleoptik” kimi komandalarda forma geyib.