Amitin komandası “Zimbru”ya qalib gəldi

Futbol üzrə Moldova çempionatında 6-cı turun oyunları keçirilir.

Futbolxeber.az saytının məlumatına görə, həmyerlimiz Amit Quluzadənin formasını geydiyi “Milsami” səfərdə “Zimbru” ilə qarşılaşıb. Matç Quluzadənin komandası 1:0 hesablı qələbəsi ilə yekunlaşıb.

Millimizin sabiq üzvü görüşə ehtiyat oyunçular skamyasından başlasa da, 31-ci dəqiqədə meydana daxil olub.

Qeyd edək ki, ikinci qələbəsini qazanan “Milsami” 6 turdan sonra 8 xalla 10 komanda arasında 6-cı pillədə qərarlaşıb.