İtaliyada yay və qış transfer pəncərəsinin vaxtı açıqlandı

İtaliya Futbol Federasiyasının İcraiyyə Komitəsi “A” seriyasında qarşıdakı 2 transfer pəncərəsinin vaxtını açıqlayıb.

Futbolxeber.az saytının “Corriere dello Sport”a istinadən verdiyi məlumata görə, yay transfer pəncərəsi sentyabrın 1-də açıq elan olunacaq və oktyabrın 5-də başa çatacaq. Qış transfer pəncərəsi isə 4-31 yanvar (2021-ci il) tarixlərini əhatə edəcək.

Qeyd edək ki, “A” seriyasında oyunlar iyunun 20-dən bərpa olunacaq. 12 və 13 iyunda isə ölkə kubokunun yarımfinal mərhələsinin cavab görüşləri keçiriləcək. İlk gün “Yuventus” və “Milan” üz-üzə gələcək ki, bu komandalar arasında “San Siro”da keçirilən görüşdə qalib aşkarlanmayıb - 1:1.