“Beşiktaş” ÇSKA-nın təklifini geri çevirdi

Moskva ÇSKA-sı “Beşiktaş”ın hücumçusu Kayl Larini transfer etmək istəyir.

Futbolxeber.az saytının “Het Nieuwsblad”ə istinadən verdiyi məlumata görə, Rusiya təmsilçisini kanadalı futbolçunu heyətinə qatmaq üçün qarşı tərəfə 1 milyon avro təklif etsə də, rədd cavabı alıb. Lakin tərəflər danışıqları hələ də davam etdirirlər.

Qeyd edək ki, müqavilə ilə “Beşiktaş”a məxsus olan Larin cari mövsüm icarə əsasında Belçikanın “Zulte-Varegem” klubunda çıxış edir. İstanbul klubu ilə belçikalılar arasındakı razılığa əsasən, “Zulte-Varegem” mövsümün sonunda 25 yaşlı futbolçunu 2,5 milyon avro qarşılığında birdəfəlik heyətinə qata bilər.

Əlavə edək ki, kanadalı forvardın “Beşiktaş”la müqaviləsi 2022-ci ilə kimidir.