“Biz ona əvəzləyici tapmayınca, Neymar PSJ-dən getməyəcək”

PSJ-nin baş məşqçisi Tomas Tuhel Neymarın klubdakı gələcəyi barədə danışıb.

Futbolxeber.az saytının xarici KİV-ə istinadən verdiyi məlumata görə, “Canal+”a müsahibəsində alman mütəxəssis bu məsələdə onun fikrinin önəm daşımadığını bildirib:

“Biz ona əvəzləyici tapmayınca, Neymar PSJ-dən getməyəcək. Hər şey bu qədər sadədir. Əgər Neymar komandada qalsa, qələbə qazanmağımıza yardımçı olacaq. Hər zaman eyni sözü deyirəm. Transfer pəncərəsinin bağlanmasına hələ 10 gün var. Siz düşünürsüz ki, Neymarla bağlı məsələyə bu gün ya sabah aydınlıq gələcək?

Mənim fikrim önəm daşımır. Neymar məşq etmədiyi üçün bu gün meydana çıxa bilmir. Bir sözlə, vəziyyət olduğu kimi qalır, hər hansı dəyişiklik yoxdur”.