Salah Uruqvay millisinə qarşı oynayacaq?

Misir millisinin baş məşqçisi Ektor Kuper Mohammed Salahın Uruqvayla görüşdə meydana çıxıb-çıxmayacağı barədə danışıb.

Futbolxeber.az saytının məlumatına görə, Kuper komandanın liderinin bu görüşdə meydanda ola biləcəyini söyləyib:

"Salah hazırda özünü yaxşı hiss edir. O, tez bir zamanda bərpa prosesini keçdi. Biz ona çox böyük diqqət yetiririk. Salah artıq bizimlə məşq edib. Görək o, bugünki məşqdə özünü necə hiss edəcək.  Amma mən əmin edə bilərəm ki, Salah Uruqvaya qarşı 100 faiz oynayacaq. Hamımız bu məsələyə optimist yanaşırıq, inanırıq ki, Uruqvayla görüşdə Salah bizə kömək edəcək. Risk hər zaman var, bundan qaçmaq olmaz".