“Real”ın yeni baş məşqçisi müəyyənləşdi

“Real”ı yeni baş məşqçisinin adı açıqlanıb.

Futbolxeber.az-ın klubun rəsmi saytına istinadən verdiyi məlumata görə, “Kral Klubu”nu bundan sonra Xulen Lopeteqi çalışdıracaq.

Hazırda İspaniya millisinin baş məşqçisi olan 51 yaşlı mütəxəssis “Real”dakı işinə dünya çempionatından sonra başlayacaq.

Qeyd edək ki, Lopeteqi İspaniya millisini 2016-cı ildən çalışdırır. Onun rəhbərliyi altında 19 oyuna çıxan ispanlar 13 matçda qələbə qazanıblar, 6 dəfə isə heç-heçə ediblər.