Muarem “Aktobe”yə lazım olmadı

“Qarabağ”ın sabiq yarımmüdafiəçisi Muarem Muarem hazırda çıxış etdiyi “Aktobe”dən göndəriləcək.

Futbolxeber.az saytının məlumatına görə, "Aktobe"nin idman direktoru Maksat Tyumaliyev bildirib ki, yeni ildən makedoniyalı futbolçu da daxil olmaqla 5 əcnəbi futbolçu ilə yollar ayrılacaq. O, buna səbəb kimi, Muaremin istənilən səviyyədə çıxış etməməsini göstərib.

Qeyd edək ki, Muarem “Aktobe”yə bu ilin yayından “Qarabağ”la müqaviləsi başa çatdıqdan sonra keçib. Makedoniyalı futbolçu 15 oyunda 1 qol vurub.