“Azərbaycan millisinə yuxarıdan aşağı baxmaq olmaz”

“Əvvəlki turda Norveçə uduzduq. Həmin oyunda kifayət qədər yaxşı mübarizə aparmadıq. Bu tərəfimizi yaxşılaşdırmalıyıq”.

Futbolxeber.az saytının məlumatına görə, bu sözləri Almaniyanın 21 yaşadək futbolçularından ibarət yığmasının üzvü Filip Ohs deyib. Avropa çempionatının seçmə mərhələsində millimizlə oyunöncəsi ölkəsinin mətbuatına danışan gənc hücumçu Azərbaycana ciddi yanaşmalı olduqlarını söyləyib:

“Bu oyunda qələbə qazanacağımız dəqiq deyil. Rəqibə üstdən aşağı baxmaq olmaz”.

Qeyd edək ki, Azərbaycan - Almaniya oyunu noyabrın 9-da keçiriləcək.