Qrizmann: “Belə vəziyyətdə “Atletiko”dan gedə bilməzdim”

Antuan Qrizmann “Atletiko”da qalmasının səbəbini açıqlayıb.

Futbolxeber.az saytının məlumatına görə, fransız forvard anlaşdığı deyilən “Mançester Yunayted” keçməməsinin səbəbini “Atletiko”ya qarşı tətbiq olunan transfer qadağası ilə əlaqələndirib:

“Qalmağımın əsas səbəbi transferlərə qoyulan qadağa idi. “Atletiko” indi mənə heç vaxt olmadığı kimi ehtiyac duyur. Hiss etdim ki, klubda qalmalıyam. Belə məqamda getməyim düzgün olmazdı. Mən elə insan deyiləm.

Gələn yay nələr olacağını bilmirəm. Amma qarşıdakı mövsümü “Atletiko”da keçirəcəyim dəqiqdi. 1 ildən sonra nə olacağını indi müzakirəyə çıxarmaq ağılsızlıq olardı”.