“Milan” qapıçı axtarışına başladı: 3 namizəd var

Canluici Donnarumma ilə yollarını ayıracağı gözlənilən “Milan” artıq qapıçı axtarışlarına başlayıb.

Futbolxeber.az saytının məlumatına görə, hazırda “qırmızı-qaralar”ın maraq dairəsində 3 qapıçı var.

Bunlar Neto, Voyçex Şçensnı və Mattia Perindi.

Netonun satışından “Yuventus” 10 milyon avro qazanmaq istəyir. Onunla “Valensiya” da maraqlanır.

Şçensnı müqavilə ilə “Arsenal”a məxsus olsa da, son 2 mövsümü icarə əsasında “Roma”da keçirib. Onun yeni mövsümdən “Yuventus”da forma geymək ehtimalı da mövcuddur.

24 yaşlı Perin isə bu üçlükdən ən real namizəd hesab olunur. Lakin “Milan” rəhbərliyi düşünməyə vadar edən səbəb “Cenoa”nın qapıçısının son 1 ildə 2 dəfə dizindən zədə almasıdır.

Qeyd edək ki, “Milan”ın yetirməsi olan Donnarumma bu gün meneceri vasitəsi ilə müqaviləsini uzatmayacağını bəyan edib. Onun “qırmızı-qaralar”la sözləşməsi gələn yay bitir. Bu səbəbdən də “Milan”ın gənc qapıçını bu yay satacağı gözlənilir.