O da yaşıl meydanlarla vidalaşır

Daha bir tanınmış futbolçu yaşıl meydanlarla vidalaşır. Futbolxeber.az-ın məlumatına görə, bu, İngiltərənin “Liverpul” klubunun qapıçısı Aleksandr Manningerdir.

 

Yerli mətbuatda bildirilib ki, İyunda 40 yaşı tamam olacaq təcrübəli qolkiper qarşıdakı günlərdə karyerasını başa vuracaq. 

 

Qeyd edək ki, avstriyalı qolkiper ötən yay “Auqsburq”dan (Almainya) “Liverpul”a transfer olunsa da, yeni klubunun heyətində 1 rəsmi görüşdə belə çıxış etməyib. Ümumilikdə isə Manninger 22 illik peşəkar karyerası ərzində 5 mükafat qazanıb. O, “Arsenal”la (İngiltərə) Premyer Liqanın, İngiltərə kubokunun, İngiltərə Superkubokunun (2 dəfə) və “Yuventus”la (İtaliya) birgə A Seriyasının qalibi olub.