İtaliyanın daha bir klubu çinlilərə satılır

Tezliklə İtaliyanın daha bir klubu çinli biznesmenlərə satılacaq. Futbolxeber.az saytının məlumatına görə, söhbət “Palermo”dan gedir. Bu haqda klubun prezidenti Mauritsio Zamparini açıqlama verib:

“Mən futbolu və “Palermo”nu çox sevirəm. Lakin artıq yorulmuşam. Futboldan daha çox onun necə idarə olunması mən yorub. “Palermo” ilə birgə uzun müddət tarix yazdıq. Ancaq klubu satmaq zamanıdır.

Hazırda bir qrup çinli investorlarla danışırıq. Onların “Palermo”nun gələcəyi ilə bağlı çox gözəl planları var”.

Qeyd edək ki, 2002-ci ildə “Palermo”ya sahib çıxan Zamparini daha əvvəl klubu 50 milyon avroya amerikalı biznesmenə satmaqdan imtina edib.