Verratti: “İnanıram ki, Balotelli yenə də İtaliya millisinə kömək edəcək”

İtaliya millisinin yarımmüdafiəçisi Marko Verratti sabiq komanda yoldaşı, “Nitsa”nın hücumçusu Mario Balotelli haqda danışıb. Futbolxeber.az saytının məlumatına görə, PSJ-nin üzvü SuperMarionun yenidən İtaliya yığmasına kömək edəcəyinə inandığını bildirib:

“Balotelli ilkin heyətdə adı yer alsa da, yığmanın yekun siyahısından kənarda qaldı. Bu səbəbdən də o, İspaniya və Makedoniya ilə matçlardan meydana çıxmayacaq. Balotellinin yenidən qollar vurmasına sevinirəm. İnanıram ki, o yenə də İtaliya millisinə kömək edəcək. Marionun Fransada özünü yaxşı tərəfdən göstərəcəyini bilirdim. Təbii ki, 4-5 oyun hər şey demək deyil. Amma onun uğurlu çıxışını davam etdirəcəyinə əminəm”.

Qeyd edək ki, Mario Balotelli artıq “Nitsa”nın heyətində 6 qol vurub.