“Sent Etyen”in əsas hücumçusu “Qəbələ”yə qarşı oynamayacaq

“Sent Etyen” ciddi itki ilə üzləşib. Futbolxeber.az saytının “L'Equipe”ə istinadən verdiyi məlumata görə, Fransa klubunun aparıcı hücumçusu Romen Amuma zədələnib. O, dünən “Lion”a qarşı baş tutan görüşdə sol budundan xəsarət alıb.

Müayinədən sonra məlum olub ki, Amuma 6 həftə yaşıl meydanlardan kənarda qalacaq. Bu isə o deməkdir ki, “Sent Etyen”in hücumçusu Avroliqanın qrup mərhələsinin üçüncü turu çərçivəsində “Qəbələ”yə qarşı keçiriləcək matçda meydana çıxa bilməyəcək.