Sabiq “Zirə”lidən qalmaqallı açıqlama: “Bizə pul təklif olunub”

“Zirə”nin keçmiş üzvü, Salvador millisinin kapitanı Nelson Bonilla qalmaqal yaradacaq açıqlama verib. Futbolxeber.az saytının məlumatına görə, təcrübəli forvard DÇ-2018-in seçmə mərhələsi çərçivəsində Kanada ilə oyundan öncə həvəsləndirici təklifi aldıqlarını söyləyib: “Salvadorlu biznesmen bizə yaxınlaşaraq pul təklif etdi. O, bildirdi ki qələbə, heç-heçə, hətta minimal hesablı məğlubiyyət təqdirində mükafatlandırılacağıq. Qələbə qazansaq, hər futbolçu meydanda keçirdiyi hər dəqiqəyə görə 30, minimal hesabla uduzacağımız halda isə 10 dollar qazanacaq. Biz bu cür hallara qarşıyıq”.

Qeyd edək ki, seçmə mərhələnin son turu öncəsi Salvador yığması növbəti tur şansını itirib. Növbəti mərhələyə vəsiqə uğrunda mübarizə aparan Hondurasın 7, Kanadanın isə 4 xalı var.