“Qalatasaray” “Mançester Yunayted”in 2 futbolçusu ilə maraqlanır

“Qalatasaray” “Mançester Yunayted”in 2 futbolçusunu heyətinə qatmaq istəyir. Futbolxeber.az saytının məlumatına görə, İstanbul klubu Bastian Şvaynştayger və Luis Antonio Valensiyanı transfer etməyi planlaşdırır. “Qalatasaray” adıçəkilən 2 futbolçu üçün 4,25 milyon funt ödəməyə hazırdı.

Joze Mourinyonun gəlişindən sonra Şvaynştayger əvəzedici heyətə göndərilib. Portuqaliyalı mütəxəssis yoxlama oyunlarında bəzən Valensiyaya şans versə də, o da komandasını dəyişmək istəyir.

Qeyd edək ki, Şvaynştayger son mövsümdə “Qırmızı şeytanlar”ın heyətində 31, Valensiya isə 22 oyuna çıxıb.