Nyanq Amsterdama yollanır: “Milan” onun finalda oynayacağına ümid edir

“Milan”ın hücumçusu M`Baye Nyanq bu gün Amsterdama yollanacaq. Futbolxeber.az-ın məlumatına görə, gənc forvard Hollandiya paytaxtında tibbi müayinədən keçəcək. Amsterdamda Nyanqı tanınmış professor Neyk van Deyk müayinə edəcək. Məhz bundan sonra futbolçunun əməliyyata ehtiyac duyub-duymadığı məlum olacaq.

Daha əvvəl 21 yaşlı forvardın avtomobil qəzasından sonra 6-8 həftəyə yaşıl meydanlara qayıdacağı ehtimal edilirdi.

“Milan” isə Nyanqın mayın 21-də ölkə kubokunun finalında “Yuventus”a qarşı baş tutacaq görüşə qədər bərpa olacağına ümid edir.

Xatırladaq ki, cari mövsümdə “A” seriyasında 16 oyuna çıxan Nyanq 5 qol və 4 məhsuldar ötürməylə yadda qalıb.