“Fənərbağça”nın baş məşqçisi: “Lokomotiv” daha yaxşı təsir bağışladı”

“Fənərbağça”nın baş məşqçisi Vitor Pereyra Avroliqanın 1/16 final mərhələsinin cavab oyunu çərçivəsində səfərdə “Lokomotiv”lə 1:1 bərabərə qaldıqları görüşü şərh edib. Futbolxeber.az-ın məlumatına görə, portuqaliyalı mütəxəssis növbəti mərhələyə adlamağa layiq olduqlarını vurğulayıb: “Oyun çətin keçdi. Bilirdik ki, “Lokomotiv” risqə gedəcək və böyük qüvvəylə irəli atılacaq. Budəfəki görüş fərqli alındı. “Lokomotiv” daha yaxşı təsir bağışladı. Səmədovun qoluna qədər oyuna nəzarət edirdik. Amma hesabda geri düşdükdən sonra komandam özünəinamı itirdi. Topalın qoluna qədər narahat idik. Bununla belə, “Lokomotiv”in yaxşı oyununa baxmayaraq, növbəti mərhələyə yüksəlməyə layiq idik”.