Futbol tarixinin ən yaxşı qapıçısının adı açıqlandı

“France Football” jurnalı futbol tarixinin ən yaxşı qapıçısını müəyyənləşdirmək üçün sorğu keçirib. Futbolxeber.az-ın məlumatına görə, birinci yerə Canluici Buffon çıxıb. Səslərin 44 faizini toplayan Buffon futbol tarixinin ən yaxşı qapıçısı seçilib. Fransa millisinin sabiq qapıçısı Fabyen Bartez ikinci olub. O, 17 faiz səs toplayıb. İlk “üçlüy”ü isə 7 faiz səslə Lev Yaşin (SSSR) və Oliver Kan (Almaniya) qapayıb.

İker Kasilyas (“Portu”, Ispaniya millisi) və Manuel Noyer (“Bavariya”, Almaniya millisi) səslərin 6 faizini toplayıb. 7-ci pilləyə Edvin van der Saar (Hollandiya, 3%) sahib çıxıb. Dino Zoff (Italiya) və Peter Şmeyhel (Danimarka) cəmi  2 faiz səs yığıb. Petr Çex, Zepp Mayer, Qordon Benks, Piter Şilton və Rikardo Samora isə hərəyə 1 faiz səs toplayıblar.