Van Qal: “Fellaini hücumda oynayacaq”

“Mançester Yunayted”dəki hücumçu azlığı Maruan Fellaininin mövqeyini dəyişməsinə gətirib çıxarıb. Futbolxeber.az-ın məlumatına görə, belçikalı yarımmüdafiəçi məcburiyyətdən hücumçu kimi çıxış edəcək. Bu haqda Belçikada “Brügge”yə qarşı baş tutacaq oyundan öncə mətbuat konfransı keçirən “Mançester Yunayted”in baş məşqçisi Lui Van Qal açıqlama verib: “O, həm hücumda, həm də yarımmüdafiədə çıxış edə bilər. Hazırda mərkəzdə kifayət qədər oyunçumuz var. Ona görə də Fellainini cari mövsümdə daha çox hücumda görəcəksiniz. O, özü də hücumda oynamağa hazırdı”.

Qeyd edək ki, Van Qalın rəhbərliyi altında “Mançester Yunayted”də 32 oyuna çıxan ucaboy futbolçu 8 qol vurub.