“Milan”ın yeni baş məşqçisi Marçello Lippi olacaq?

“Milan”ın prezidenti Silvio Berluskoni klubun satışı ilə bağlı danışıqlarını davam etdirir. Futbolxeber.az-ın məlumatına görə, hazırda “rossenyerlər”in əsas müştərilərindən biri Çin konsoriumudur. Belə ki, həmin şitkərin sahibi Çin Komunist Partiyasının baş katibi Si Tszinpindir.

“TuttoSport” yazır ki, Berluskoni çinlilərlə ortaq məxrəcə gəlsə, “Milan”ın yeni baş məşqçisi böyük ehtimalla, Marçello Lippi olacaq. Çünki çinlilər məhz 67 yaşlı mütəxəssis baş məşqçi postunda görmək istəyirlər.

Qeyd edək ki, son olaraq Çinin “Quançjou Everqrand” klubunu çalışdıran Lippi ötən il məşqçi karyerasını başa vurduğunu bəyan edib.