Dieqo Simone: “Hələ heç nə itirilməyib”

“Atletiko”nun baş məşqçisi Dieqo Simone La Liqanın 27-ci turu çərçivəsində “Espanyol”la heç-heçə (0:0) oynadıqları görüşü şərh edib. Futbolxeber.az-ın məlumatına görə, argentinalı mütəxəssis gələcəyə nikbin baxdığını vurğulayıb: “İlk hissə bərabər səviyyədə keçdi. Fasilədən sonra isə biz yaxşı çıxış etdik. Hətta azlıqda qaldıqdan sonra belə qələbə qolunu vura bilərdik. Amma rəqibin qapıçısı fantastik oynadı. Son zamanlar məhsuldarlıqla bağlı problem yaşayırıq. Qol vurmaq üçün imkanlarımız olmasaydı, daha çox narahat olardım. Hazırda dördüncü pilləyə yuvarlanmışıq. Hələ heç nə itirilməyib. Mövsüm davam edir”.

Qeyd edək ki, 27 turdan sonra aktivində 56 xal olan “Atletiko” lider “Barselona”dan 9 xal geri qalır.