“Barselona”nın 9 futbolçusu Kataloniya millisində

Kataloniya millisi yoxlama oyununda basklarla üz-üzə gələcək. Futbolxeber.az-ın məlumatına görə, “Barselona”nın 9 futbolçusu Kataloniya millisinin heyətinə dəvət alıb. Söhbət qapıçı Jordi Masip, müdafiəçilər Jerar Pike, Mark Bartra, Jordi Alba və Martin Montoyadan, eləcə də yarımmüdafiəçilər Serxio Samper, Xavi, Serxi Roberto və Serji Busketsdən gedir,

“Barselona”lılardan başqa Kataloniya millisinə Kiko Kasilya, Viktor Sançes, Viktor Alvares (hamısı “Espanyol”),

Aleiş Vidal, Jerar Deulofeu (hər ikisi “Sevilya”), Andreu Fontas, Serxi Qomes (hər ikisi “Selta”). Piti (“Qranada”), Xonatan Soriano (“Zalsburq”), Jerar Moreno (“Vilyareal”), Alberto de la Belya (“Real Soseydad”) və Alvaro Vaskes (“Hetafe”) dəvət alıb.

Qeyd edək ki, katalonlarla basklar arasında baş tutacaq oyun dekabrın 28-də baş tutacaq.