UEFA-dan Ronaldonun Platininin əlini sıxmaması ilə bağlı rəsmi açıqlama

UEFA-nın mətbuat xidmətinin rəhbəri Pedru Pintu çalışdığı qurumun rəhbəri ilə “Real”ın hücumçusu Kriştianu Ronaldo arasında hansısa problem olduğu haqda yayılan xəbərlərə münasibət bildirib. Futbolxeber.az-ın məlumatına görə, Pintu yayılan xəbərlərin əsassız olduğunu bildirib: “Tərəflər arasında hər hansı konflikt yoxdu. Ronaldo hələ medalları almamışdan qabaq Platini ilə görüşmüşdü. Səhnədə isə Platininin Ançelotti ilə danışdığını görüb, yanlarından keçdi. Platini ilə də söhbətim olub. O da bu xəbərlərin yayılmasından məyus olduğunu bildirib”.

Qeyd edək ki, Platini “Qızıl top”u Manuel Noyerin qazanmalı olduğunu bildirib.