“Qarabağ”ın rəqibləri: biri qalib gəldi, digəri uduzdu

Avroliqanın qrup mərhələsində “Qarabağ”ın rəqibi olan “Dnepr” və “Snet Etyen” bu gün ölkə çempionatında növbəti oyunlarını keçiriblər. Futbolxeber.az-ın məlumatına görə, “Dnepr” Ukrayna çempionatının 14-cü turu çərçivəsində səfərdə “Zarya”nın qonağı olub. Matç “Dnepr”in 1:2 hesablı yenilgisi ilə başa çatıb. Bu nəticədən sonra “Dnepr” 14 turdan sonra 28 xalla üçüncü pillədə qərarlaşıb.

Fransa çempionatının 17-ci turu çərçivəsində “Sent Etyen” öz meydanında “Bastiya”nı qəbul edib. Matç “Sent Etyen”in 1:0 hesablı qələbəsi ilə tamamlanıb. Bu nəticə ilə xallarının sayını 32-yə çatdıran “Sent Etyen” turnir cədvəlində üçüncü pilləyə yüksəlib.