Simeone: “Yuventus”a qarşı taktiki cəhətdən çox ağıllı oynadıq”

“Atletiko”nun baş məşqçisi Dieqo Simeone Çempionlar Liqasının qrup mərhələsinin ikinci turunda “Yuventus”u 1:0 hesabı ilə məğlub etdikləri görüş haqda danışıb. Futbolxeber.az-ın məlumatına görə, argentinalı mütəxəssis komandasının taktiki cəhətdən düzgün oynadığını vurğulayıb: “Bizə qarşı meydanda əla komanda mübarizə aparırdı. Rəqib güclü olsa da, biz taktiki cəhətdən çox ağıllı oyndıq. “Yuventus”un hər mövqeyi güclüdür. Hücum çox güclüdür. Yarımmüdafiədə əsl çempionlar yer alıb. Müdafiə xətti isə olduqca etibarlıdır. Rəqibə topla daha çox oynamaq imkanı yaratdıq. İlk yarıda “Yuventus” bizdən yaxşı oynadı. Amma fasilədən sonra komandam meydanda daha aqressiv idi. Qrizmannın meydana çıxmasından sonra hücumda daha inamlı olduq və yekunda da lazım olan qolu vurduq”.