“Mançester Yunayted” azarkeşlərindən Ronaldonun qayıdışı üçün inanılmaz addım

“Mançester Yunayted” azarkeşləri Kriştianu Ronaldonun komandaya qayıdışı üçün inanılmaz addım atmağı planlaşdırırlar. Futbolxeber.az-ın məlumatına görə, ideyanın müəllifi “United Reel” azarkeş qrupudur. Onlar həftə sonu “Real”ın “Vilyareal”a qarşı “El Madriqal”da keçirəcəyi oyunda “Evə qayıt, Ronaldo” banneri ilə təyyarə uçuşu təşkil etmək istəyirlər. Azarkeşlər artıq rəsmi saytları vasitəsi ilə bunun üçün vəsait toplamaya başlayıblar.

Xatırladaq ki, buna bənzər addım azarkeşlər ötən il də atıblar. Onlar Devid Moyesin istefaya göndərilməsi tələbə ilə icarəyə götürülmüş təyyarə üzərində “Moyes, rədd ol” banneri asmışdılar. Həmin təyyarə “Mançester Yunayted”in “Aston Villa”ya qarşı keçirdiyi oyun zamanı “Old Trafford”un üzərindən uçmuşdu.