“Yuventus” “A” seriyasında rekorda imza atdı

“A” seriyasının 4-cü turu çərçivəsində “Yuventus” “Çezena”nı 3:0 hesabı ilə məğlub edib. Futbolxeber.az-ın məlumatına görə, bu qələbə sayəsində Turin klubu rekorda imza atıb. Belə ki, “Qoca Sinyora” tarixə “A” seriyasında mövsümə ardıcıl 4 quruhesablı qələbə ilə başlayan komanda kimi düşüb. Buna kimi Turin klubu “Kyevo” (1:0), “Udineze” (2:0) və “Milan”ı (1:0) da məğlub edib.

Qeyd edək ki, ilk turdan sonra “Yuventus” Çempionlar Liqasında da qapısında qol görməyib.