“Atletiko” La Liqadan kənarlaşdırıla bilər

“Atletiko” İspaniya Liqası tərəfindən xərclərə görə qoyulmuş limiti pozduğuna görə cəzalandırıla bilər. Futbolxeber.az-ın məlumatına görə, Madrid təmsilçisi transferlərə, məvaciblərə və vergilərə maksimum 80 milyon avro (gəlirin 70 faizindən artıq olmamalıdı) xərcləyə bilər. İlkin limit 100 milyon olsa da, həmin məbləğdən klubun akademiyasına (3%), bonuslara (7%) və məşqçilər korpusunun məvacibinə görə (10%) 20 faiz çıxılıb. “Marca”nın iddiasına görə, 1 həftə ərzində “Atletiko” xərclərlə gəlirlər arasındakı balansı düzəltməsə, kluba transfer qadağası qoyula bilər. Komandanın həmçinin Sequndaya da göndərilməsi mümkündür.

Maliyyə vəziyyətini düzəltmək üçün “Atletiko” Tobi Alderveyrelda və Emeliano İnsuanı satmalıdır. Kristian Rodrigesə də müştəri tapılsa, “Atletiko” hətta heyətini Alessio Çerçi və ya Xerdan Şakiridən biri ilə gücləndirə də bilər.