Didye Deşam: “Yuventus”u tərk etməklə səhvə yol verdim”

Fransa millisinin baş məşqçisi Didye Deşam “Yuventus”u tərk etdiyi vaxtı xatırlayıb. Futbolxeber.az-ın məlumatına görə, fransız mütəxəssis 2007-ci ildə Turin klubundan ayrılmasının səhv addım olduğunu qeyd edib: “Yuventus” “A” seriyasına qayıtdıqdan sonra klub rəhbərliyi ilə aramızda transferlərə görə fikir ayrılığı yarandı. Bu səbəbdən də klubu tərk etdim. Mən klubun hər mövqeyə ən azı 1 yüksək səviyyəli futbolçu cəlb etməsini istəyirdim. Amma onlar heyəti bahalı olmayan futbolçularla gücləndirmək fikrindəydilər. Yekunda da onların istədiyi oldu. İstənilən halda düşünürəm ki, istefam səhv qərar idi. Keçmişə qayıtmaq imkanım olsaydı, yenidən eyni qərarı qəbul etməzdim”.