Ançelotti: “Heç kim deməmişdi ki, biz bu mövsüm 6 titul qazanacağıq”

“Real”ın baş məşqçisi Karlo Ançelotti İspaniya Superkuboku uğrunda oyunda “Atletiko”ya uduzduqları (0:1) matç barədə danışıb. Futbolxeber.az-ın məlumatına görə, təcrübəli mütəxəssis komandasının ikinci hissədə problemlər yaşadığını bildirib: “İlk yarını yüksək səviyyədə keçirdik. Lakin ikinci hissıdə rəqibə qapımız qarşısında təhlükəli epizodlar yaratmağa imkan verdik. Topa nəzarəti itirdik və nəticədə də problemlər yaşadıq. Bu səbəbdən də oyunun gedişində dəyişiklik etməyə məcbur olduq. Xames Rodriges əla oynadı. O, komandanın ən təhlükəli futbolçusu idi. Amma ikinci hissədə yorulduğu üçün onu əvəzlədim. Ronaldo 90 dəqiqə oynamağa hazır olsa da, əvvəldən onu ikinci hissədə meydana buraxacağıma qərar vermişdim. Yeni mövsüm çox maraqlı olacaq. Yaxşı heyətimiz var. Ötən il olduğu kimi yenə də uğur qazanmağa çalışacağıq. Amma komandamızda heç kim deməmişdi ki, biz bu mövsüm 6 titul qazanacağıq”.