“Real” “Barselona”nın təklifini rədd etdi

“Real”ın üzvü Anxel Di Mariyanı transfer etmək istəyən klublar arasında “Barselona” da olub. Futbolxeber.az-ın Sport.es-ə istinadən verdiyi məlumata görə, Kataloniya klubu 26 yaşlı futbolçuya görə madridlilərə 60 milyon avro təklif edib. Lakin “Real” bu təklifi rədd edib. Özü də “Real” tərəfi “Barsa”yla bu keçidlə bağlı heç bir müzakirə aparmaq istəmədiyini bəyan edib.

Xatırladaq ki, Di Mariya “Real” rəhbərliyindən maaşının 8 milyon avroya yüksəldilməsini istəyir. Qarşı tərəf isə bununla razılaşmadığından Di Mariya klub rəhbərliyindən onu satmağı istəyib.