"Qalatasaray"ın istədiyi futbolçuya 100 milyon qiymət qoyuldu

"Şalke"nin meneceri Horts Heldt komandanın aparıcı üzvü, qitə nəhənglərinin heyətinə qatmaq istədiyi Yulian Drakslerlə bağlı maraqlı açıqlamalar verib. Futbolxeber.az-ın məlumatına görə, "Şalke"nin rəsmisi gənc futbolçuya fantastik qiymət qoydularını açıqlayıb: "Bizim Drakslerlə vidalaşmaq fikrimiz yoxdur. O satılmır. Müqaviləsində də xüsusi bir bənd yoxdur. Buna görə də açıq şəkildə bəyan edirəm ki, onu yayda satmayacağıq. Yulian özü də komandada olmaqdan razıdır. Biz də əlimizdən gələni edəcəyik ki, mümkün olduğu qədər "Şalke"də çox qalsın. Amma sabah nə olacağını heç kim deyə bilməz. Təbii ki, Drakslerin komandadan gedişi də mümkündür. Əgər, "Real" və "Barsa" onun üçün 100 milyon avro ödəməyə hazır olsa, vəziyyət dəyişir. Belədə onu sata bilərik. Amma Drakslerin "Bavariya" və ya "Borussiya"ya satılması müzakirə mövzusu deyil. 1000 faiz deyirəm ki, o komandada qalacaq".

Xatırladaq ki, Drakslerlə Türkiyənin "Qalatasaray" klubu da yaxından maraqlanır.