“Qarabağ”ın rəqibindən 6 qollu qələbə

Avstriya çempionatında 2014/15 mövsümünə start verilib. Futbolxeber.az-ın məlumatına görə, Çempionlar Liqasının III təsnifat mərhələsində “Qarabağ”ın mümkün rəqibi olan “Zalsburq” mövsümün açılış turunda “Rapid”i qəbul edib. Matç “Zalsburq”un 6:1 hesablı qələbəsi ilə yekunlaşıb. Komandanın heyətində Ulmer, Alan, Mane, Soriano (2) və Kampl fərqləniblər.

Xatırladaq ki, Çempionlar Liqasının II təsnifat mərhələsində Malta çempionu “Valletta”nı mübarizədən kənarlaşdıracağı halda, “Qarabağ” növbəti turda “Zalsburq”la üz-üzə gələcək.