Aleksandr Səmədov: “Buraxılan qola kimi yatmırdıq, çalışırdıq” (Müsahibə)

Rusiya millisinin üzvü Aleksandr Səmədov Cənubi Koreya ilə oyundan (1:1) sonra Sports.ru-nun əməkdaşı Kirill Blaqovun suallarını cavablandırıb. Futbolxeber.az həmin müsahibəni təqdim edir:

- Təbii ki, biz qələbə qazanmaq istəyirdik. Alınmadı. Amma buraxılan qola göstərdiyimiz reaksiya və çətin vəziyyətdə olmağımıza baxmayaraq, yenilgidən qaçmağımız yaxşı haldı.

- Nəyə görə buraxılan qola kimi komanda yatırdı?

- Biz yatmırdıq, çalışırdıq. Çox çətin idi. Yəqin ki, gərginlik öz sözünü dedi. Komanda açıq-aşkar həyəcanlanırdı.

- Demək olarmı ki, vəziyyət təcrübəli futbolçuların meydana çıxması ilə dəyişdi?

- Şübhəsiz, onların köməyi oldu. Kerjakov çox mühüm qol vurdu.

- Komandanın fiziki durumu necə təsir bağışladı?

- Hər şey normaldı. Bəlkə də rütubətin yüksək olması səbəbindən bir qədər özümü narahat hiss edirdik. Amma bu, bizim üçün bəhanə ola bilməz. Çünki 10 gündür ki, Braziliyada hazırlıq keçirik.

- Dünya çempionatındakı debütunuzdan razı qaldınız?

- Bəli, razıyam.

- Son hücumda matçın qəhrəmanı ola bilərdiniz. Nəyə görə zərbəniz qeyri-dəqiq alındı?

- Oyunun sonu idi, güc qalmamışdı. Təbii ki, topu saxlayıb, yerlə qapıya zərbə endirmək istəyirdim. Lakin alınmadı.