NAZ şirkəti Bakıda keçiriləcək Avropa çempionatının nəqliyyat partnyoru olacaq

NAZ şirkəti UEFA U-17 AÇ-nin nəqliyyat partnyoru olacaq. Futbolxeber.az-ın məlumatına görə, bunun qarşılığında şirkət çempionatın loqosundan istifadə hüququ, ekskluziv məhsul kateqoriyası, azarkeşlər, VİP və media üçün xüsusi hədiyyələrin hazırlanması hüququ,  rəsmi oyun proqramında 1 səhifəlik reklam yeri, 4 ədəd meydança ətrafı reklam (6 x 0.9 metr), media fonda loqo, oyun biletlərində loqo, rəsmi posterdə loqo,  təbliğat materiallarında loqo, UEFA-nın saytındakı UEFA U-17 səhifəsində loqo və digər üstünlüklərdən yararlana biləcək. Öz növbəsində NAZ şirkəti çempionatın püşkatma mərasimi üçün Yerli Təşkilat Komitəsini 15, turnir zamanı istifadə üçün isə 60 avtomobillə təmin edəcək.

Yaxın günlərdə avtomobillərin təqdimatı keçiriləcək.