Erməni samboçu Bakıda xəstəxanaya aparıldı

Avropa Oyunları çərçivəsində sambo yarışlarında iştirak edən erməni idmançı xəstəxanaya aparılıb. Futbolxeber.az-ın APA TV-yə istinadən verdiyi məlumata görə, iyunun 22-də keçirilmiş sambo yarışlarında 52 kq çəki dərəcəsində tatami üzərinə çıxan rusiyalı idmançı Anna Xaritonova Ermənistan təmsilçisi Sosa Balasanyanla qarşılaşıb. 4:0 hesabı ilə qalib gələn Rusiya təmsilçisinin tətbiq etdiyi fənd zamanı erməni samboçu zədələnib və kəllə-beyin travması şübhəsi ilə xəstəxanaya aparılıb.

Xəstəxanada S. Balasanyana yüksək səviyyədə ilkin tibbi yardım göstərilib. Bunu idmançının səhhəti barədə danışan Avropa Oyunlarında Ermәnistan nümayәndә heyәtinin press attaşesi Karen Qilayan bildirib. O deyib ki, Balasanyanın səhhətində ciddi problem yoxdur: “Güləşərkən o, boyun zədəsi aldı və ona təcili tibbi yardım göstərildi. Müəyyən olundu ki, bu, adi boyun burxulmasıdır. İndi hər şey normaldır, heç bir problem yoxdur. İdmançımız artıq vətənə qayıdıb”. Azərbaycanlı həkimlərin S. Balasanyanı müayinə etməsinə münasibət bildirən K.Qilayan vurğulayıb ki, ciddi müalicəyə ehtiyac olmayıb: “İdmançımız tibb mərkəzində 2-3 saat saxlandı, həkimlər rentgen etdilər, sonra isə Atletlər Kəndindəki poliklinikada da müayinədən keçirdilər. Müayinə zamanı hər hansı ciddi problemin olmadığı müəyyənləşdi”.