Minifutbol
İlham Əliyev minifutbol üzrə Azərbaycan milli komandasının üzvlərini qəbul edib - YENİLƏNİB

Azərbaycan Prezidenti İlham Əliyev iyulun 2-də Bakıda keçirilmiş minifutbol üzrə dünya çempionatının qalibi olan Azərbaycan milli komandasının üzvlərini qəbul edib.
Futbolxeber.az saytının məlumatına görə, dövlətn başçısı görüşdə çıxış edib:
Prezident İlham Əliyevin çıxışı
- Bakıda keçirilmiş minifutbol üzrə dünya çempionatı dünən başa çatdı. Azərbaycan milli komandası bütün oyunlarda peşəkarlıq, qələbə əzmi göstərərək dünya çempionu titulunu qazanmışdır. Bu münasibətlə sizi ürəkdən təbrik edirəm. İlk növbədə, komandanın oyunçularını, məşqçilərini, mütəxəssislərini, Minifutbol Federasiyasını və bu qələbədə iştirak etmiş bütün insanları təbrik edirəm. Siz Azərbaycan xalqına yeni qələbə sevinci bəxş etmisiniz! Dünya çempionu olmaq böyük şərəfdir və böyük məharət tələb edir, xüsusilə komanda idman növündə. Bu, artıq gözəl tarixdir. Bu tarixi yazan da sizsiniz və şadam ki, Azərbaycanda minifutbol üzrə belə güclü oyunçularımız var.
Çempionatı izləyənlər öz gözləri ilə bizim oyunçularımızın tam üstünlüyünü görə biliblər. Mən oyunlarınızın son dördünü izləmişəm və tam əminliklə deyə bilərəm ki, bu qələbə ədalətli mübarizədə qazanılmış qələbədir. Siz bu qələbəyə layiqsiniz. Futbol meydançasında bütün rəqibləri üstələmisiniz və eyni zamanda, gözəl komanda ruhu nümayiş etdirmisiniz. Görürəm ki, oyunçular bir-birinə çox bağlıdır, bir ailə kimidir. Əlbəttə ki, komandada hökm sürən bu gözəl ab-hava, bu iqlim qələbənizi şərtləndirən amillərdən biridir, eyni zamanda, bütün tamaşaçılar da bunu əyani şəkildə görüblər.
Oyunu həm gimnastika arenasında izləyənlər, həm də televiziya vasitəsilə izləyənlər sizin qələbənizə ürəkdən sevinmişlər. Yenə də deyirəm, siz bu qələbəyə layiqsiniz və bütövlükdə qələbələr Azərbaycana yaraşır. Həm döyüş meydanında, həm siyasi müstəvidə, həm də idman arenalarında biz qələbə qazanan ölkəyik. Məhz bizim istedadlı və peşəkar gənclərimiz bu qələbə sevincini bizə gətirirlər. Mən sizi ürəkdən təbrik edirəm.
Arzu edirəm ki, bu qələbələrin davamı olsun. Əlbəttə ki, bu titulu qorumaq o qədər də asan olmayacaq. Mübarizə çox gərgin gedirdi və təbii ki, dünya çempionatında təmsil olunan komandalar ən güclü komandalardır. Ancaq hesab edirəm ki, gələcəkdə xalqımızı sevindirmək və Azərbaycanın idman şöhrətini daim yüksəklərdə saxlamaq üçün sizin böyük imkanlarınız var. Bir daha sizi təbrik edirəm və bu qələbə sevincini xalqımıza bəxş etdiyiniz üçün Azərbaycan xalqı adından Sizə təşəkkürümü bildirirəm. Sağ olun.
x x x
Azərbaycan Minifutbol Federasiyasının prezidenti Orxan Məmmədov deyib:
-Möhtərəm cənab Prezident, mən şəxsən bütün federasiya adından, futbolçular adından, məşqçi heyəti adından Sizə öz dərin təşəkkürümü bildirirəm ki, bu gün bizi qəbul edirsiniz. Doğrudan da bu gün bizim üçün həm şərəfli, həm də uğurlu bir gündür. Biz doğma divarlar arasında dünya çempionu olmuşuq. Bu, hər bir futbolçu üçün çox önəmli bir haldır. Sizə deyə bilərəm ki, bütün oyunlar zamanı bütün azarkeşlər bizi dəstəkləyirdi. Xalqımız televizorun önündə bizi dəstəkləyirdi. Əlbəttə ki, futbolçular da çox böyük zəhmət çəkdilər və hər bir oyunda bir ailə kimi ruhlarını, canlarını qoydular. Doğrudan da azarkeşlər onları irəli səsləyirdi.
Möhtərəm cənab Prezident, əlbəttə ki, Sizin idmana, gəncliyə, ümumiyyətlə bütün futbolsevərlərə, minifutbolsevərlərə verdiyiniz dəstək bizim uğurumuzun əsas sütunu idi. Bunu hər bir futbolçu bilir və Sizə dərin təşəkkürümüzü bildiririk.
Həmçinin Sizin sahibkarlara göstərdiyiniz dəstək göz önündədir. Onlar futbolun bu növünə yatırımlar edirlər. Bizim çox güclü çempionatımız var. Sponsorlar oraya dəstək göstərir. Əlbəttə ki, biz bu çempionatdan ən güclüləri yığaraq bu gün milli komanda yaratmışıq. Onlar həm Avropa çempionu, həm də dünya çempionu oldular. Son dəfə Siz bizi qəbul edərkən Sizə söz verdik ki, çalışacağıq yeni titullar, yeni uğurlar qazanaq. Bizim üçün çox şərəflidir ki, bu dünya kubokunu Sizin önünüzə gətiririk.
Sizə çox dərin təşəkkürümü bildirirəm, bu qələbəni biz xalqımıza, Vətənimizə, Sizə və hörmətli Mehriban xanıma həsr edirik. Çox sağ olun, Sizə çox təşəkkür edirəm, cənab Prezident.
Prezident İlham Əliyev: Sağ olun.
Milli komandanın baş məşqçisi Elşad Quliyev: Hörmətli Prezidentimiz, öz adımdan, komandanın adından təşəkkür edirəm ki, bizi dəvət etmisiniz. Biz 2022-ci ildə də Avropa çempionu olanda Siz bizimlə səmimi söhbət etdiniz və tapşırıqlarınızı verdiniz. O gündən sonra da biz çalışırdıq ki, yeni nailiyyətlər əldə edək. İnşallah, qismət oldu, dünən dünya çempionu olduq. Bunun üçün Sizə çoxlu təşəkkür edirik və xalqımıza, federasiyamıza, “Çox sağ ol!” deyirik. Sağ olun.
Prezident İlham Əliyev: Sağ olun, təşəkkür edirəm.
Dünya Minifutbol Federasiyasının prezidenti Filip Juda deyib:
- Möhtərəm cənab Prezident, Azərbaycanı belə möhtəşəm təmsil edən bütün bu şəxslərlə birlikdə burada olmaq mənim üçün həqiqətən də şərəfdir. Sizin qarşınızda onları bu böyük uğur münasibətilə bir daha təbrik etmək və bu turniri Azərbaycana gətirdiyinizə görə Sizə minnətdarlığımı bildirmək istərdim.
Bu, zənnimcə, mənim Bakıya 8-ci səfərimdir. İlk dəfə 2017-ci ildə burada olmuşam, Azərbaycan Minifutbol Federasiyasından olan bu insanlarla görüşmüşəm. Deməliyəm ki, onlar həqiqətən də böyük iş gördülər. Onlar Avropa çempionluğunu, dünya çempionluğunu qazandılar. Mən Sizə növbəti çempionatlarda uğurlar arzulayıram. Bilirəm ki, Sizin qrafikiniz çox məşğuldur. Sizi bu gün başlayan “Bakı Enerji Həftəsi”ndə gördüm. Bizimlə və bütün bu şəxslərlə görüşmək imkanına görə təşəkkür edirəm. Ümidvaram ki, bu uğur sayəsində Azərbaycanda yeni nəsil minifutbolçular meydana çıxacaq. Çünki şübhəsiz ki, bu nailiyyətiniz Azərbaycanda minifutbolun inkişafına, xalqa və bütün cəmiyyətə müsbət töhfə verir.
Bildiyimə görə, Azərbaycan Minifutbol Federasiyası ölkədə minifutbol arenasına sahib olmaq üçün böyük səylər göstərir. Ümidvaram ki, Dünya Minifutbol Federasiyası və yerli hökumətlə birlikdə bu, uğurlu bir layihə olacaq. Çünki, şübhəsiz ki, bu insanlar 2022-ci ildə Avropa çempionluğu, 2025-ci ildə dünya çempionluğunu qazanmaqla buna həqiqətən də layiqdirlər. Onların burada cənab Prezidentin qarşısında olmaqları ilə fəxr edirəm.
Dəvətə görə təşəkkür edirəm, sizin hamınıza uğurlar arzulayıram.
Prezident İlham Əliyev: Təşəkkür edirəm. Xoş sözlərə görə minnətdaram. Federasiya adından Azərbaycanda minifutbolun inkişafına verdiyiniz dəstəyə görə təşəkkür edirəm. Bu dəstək bizim üçün həqiqətən də qiymətlidir və biz Azərbaycanın beynəlxalq idman institutları ilə əməkdaşlığını yüksək qiymətləndiririk.
Əminəm ki, bu qələbə minifutbolun inkişafına növbəti təkan verəcək. Artıq Azərbaycan milli komandası bütün mümkün olan titulları qazanıb - Avropa çempionu, dünya çempionu. Əlbəttə ki, uşaqlar, yeniyetmələr, bax, bu qələbəyə sevinənlər - bizim gənc nəslimiz hesab edirəm ki, minifutbola daha böyük maraq göstərəcək və bu idman növünün inkişafı Azərbaycanda sürətlə gedəcək.
Milli komandamızın bütün üzvləri Azərbaycanda yetişdirilmiş gənclərdir. Bunun da xüsusi önəmi var. Yığma komandamızın müxtəlif inkişaf mərhələləri var idi və bu gün biz qələbə mərhələsində görüşürük. Təbii ki, xarici mütəxəssislərin, bəzən oyunçuların da müəyyən payı olub. Amma bu gün Azərbaycan milli komandası sırf Azərbaycanda doğulmuş, boya-başa çatmış gənclərdən ibarətdir və bu da xüsusi qürur hissi oyadır. Mən əminəm ki, bundan sonra da siz bizi sevindirəcəksiniz. Gələcəkdə çoxlu yarışlar var. Bildiyiniz kimi, indi Azərbaycanın bölgələrində idman qurğuları inşa edilir, inşaat geniş vüsət alıb və minifutbol meydançalarının da yaradılmasında böyük fayda olacaq, həm Bakıda, həm də bölgələrdə. Əminəm ki, federasiya dövlət qurumları ilə, sponsorlarla birlikdə bu sahədə növbəti uğurlu addımlar atacaqdır.
Bir daha sizi təbrik edirəm.
X X X
Sonda Azərbaycan Minifutbol Federasiyasının prezidenti Orxan Məmmədov dövlətimizin başçısına xatirə hədiyyəsi təqdim etdi.
***
Azərbaycan Prezidenti İlham Əliyev iyunun 2-də Bakıda keçirilmiş minifutbol üzrə dünya çempionatının qalibi olan Azərbaycan milli komandasının üzvlərini qəbul edib.
Futbolxeber.az saytının məlumatına görə, bu barədə Prezidentin Mətbuat Xidməti açıqlama yayıb.

Şərh yazılmayıb
|
ŞƏRH YAZ
|
Çox oxunan xəbərlər
- Dünya çempionatı: Millimizin 1/4 final oyununun vaxtı məlumdur
- “Neftçi”nin yeni transferi artıq Bakıdadır - EKSKLÜZİV
- “Kəpəz”in baş məşqçisi postuna namizədlərdən biri odur - EKSKLÜZİV
- Azər Bağırov “Kəpəz”dən getdi
- Orxan Məmmədov: “Tarixi qələbə qazandıq”
- “Neftçi” qapıçısı ilə yollarını ayırdı
- Elvir Boliç: “Bakıda insanların məni tanımasına təəccübləndim”
- Firuz Abdulla: “Ümidvarıq ki, turnir cədvəlində əlifba sırası “Səbail”in “S”-i ilə pozulacaq”
- “Kəpəz” yeni baş məşqçisi ilə bu gün müqavilə imzalayır
- “Neftçi” qızıl medallara qovuşdu
- Emin Ağalarov: “Minifutbol millimizlə fəxr edirəm” - EKSKLÜZİV
- AFFA fil qulağında yatır...
- “Kəpəz” ölkə xaricindən məşqçi gətirir
- “Turan Tovuz” “Benfika”nın yetirməsini transfer edir - EKSKLÜZİV
- Bakı-2025-də erkən final: Azərbaycan dünya çempionuna qarşı
-
15:03
Atletlərimiz Avropa çempionatında iştirak edəcəklər
-
14:49
Adil Şükürov: “Transfer məsələlərində yanılmamağa çalışırıq”
-
14:28
Prezidentin ailə üzvləri UFC döyüşlərini izləyib FOTOLENT
-
13:54
“Araz-Naxçıvan” Patrik Andradeni də transfer etdi
-
13:12
Azərbaycan millisi Qazaxıstana yollanıb
-
12:35
Jatobanın yeni klubu müəyyənləşdi
-
12:01
"Araz-Naxçıvan"dan 4-cü transfer
-
11:47
Günün canlı yayımlanacaq matçları - TV AFİŞA
-
11:26
Tofiq Musayevin məğlubiyyəti VİDEO
-
10:53
Fiziyev: “Bu azarkeşlərin qarşısında uduza bilməzdim”
-
10:19
Nazim Sadıxovun qələbəsi VİDEO
-
10:00
DÇ: “Fluminense”dən qələbə, “River Pleyt” büdrədi
-
02:34
Bakıdakı UFC-də əsas döyüşün qalibi Halil Rountri oldu
-
01:41
Rafael Fiziyev qələbə qazandı
-
00:29
Tofiq Musayev ilk raundda məğlub oldu
-
00:05
Sadıxov nokautla qalib gəldi
-
18:00
“Sumqayıt”ın “Yay Futbol Düşərgəsi”ndə ilk mərhələ başa çatıb
-
17:21
Azərbaycan millisinin Belarusdakı təlim-məşq toplanışı başa çatıb
-
15:53
PFL prezidenti yenidən əməliyyat olunacaq
-
15:38
Nərminə Musayeva ilə yeni müqavilə imzalandı
-
15:06
Boksçularımız Astanada toplanış keçəcəklər
-
14:49
Günün canlı yayımlanacaq matçları - TV AFİŞA
-
14:27
AMADA gənc boksçular üçün maarifləndirici seminar təşkil edib
-
13:54
Azərbaycan klubunun adı dəyişdirildi
-
13:32
Avropa çempionatına 39 güləşçi ilə
-
13:15
Millimiz Dünya Kuboku və beynəlxalq yay düşərgəsinə qatılacaq
-
13:00
Bikalyo: “Qarabağ” regionun ən böyük klubudur”
-
12:41
"Sabah"ın “Selye” ilə oyunlarının başlama saatı müəyyənləşib
-
12:26
"Karvan" legioneri ilə vidalaşıb
-
12:13
UEFA "Qarabağ"a ödəniş edib
-
11:58
“Azercell” dünya çempionlarını təbrik edib
-
11:36
Milli Paralimpiya Komitəsinin nümayəndə heyəti beynəlxalq simpoziumda iştirak edib
-
11:09
"Qarabağ" rəsmiləri Türkiyənin idman nazirinin müavini ilə görüşüblər
-
10:27
"Bavariya" "Boka Xuniors"a qalib gəldi VİDEO
-
10:14
UFC ilə bağlı Bakı metropoliteninin iş rejimində dəyişiklik
-
09:52
“Zirə”nin rəqibində ayrılıq
-
09:00
Bu gün Bakıda ilk dəfə UFC turniri keçiriləcək
-
23:57
Elçin Məsiyev Almaniya - İtaliya oyununa təyinat aldı
-
22:15
“Araz-Naxçıvan”ın rəqibindən yeni transfer
-
20:12
Pedro Bikalyo rəsmən “Qarabağ”da
-
19:49
Millimizin təlim-məşq toplanışı üçün heyəti
-
18:35
AFFA prezidenti və baş katib FIFA Sammitində
-
17:53
UFC ulduzları “Qarabağ”ın bazasında FOTOLENT
-
17:06
Koxalski “Qarabağ”dan ayrıla bilər
-
16:21
“Neftçi” Polşaya yollanır
-
15:48
“Sheki Open”in açılış mərasimi keçirilib
-
15:17
Millimizdən Qazaxıstanda ardıcıl üçüncü qələbə
-
14:54
Cüdo millimiz 1/8 finalda uduzdu
-
14:32
İlham Əliyev UFC prezidentini qəbul edib FOTOLENT
-
13:49
"Araz-Naxçıvan"da 2 yeni müqavilə