Çempionlar Liqası: "Aznur" qələbə ilə başladı, "Birbaşa Bakı"dan heç-heçə

Minifutbol üzrə Çempionlar Liqasına start verilib.

Futbolxeber.az saytının məlumatına görə, Polşada keçirilən turnirdə ölkəmizi təmsil edən son çempion “Birbaşa Bakı” və gümüş medalçı “Aznur” bu gün turnirdə ilk oyunlarını keçiriblər.

Əvvəlcə “Aznur” meydana çıxıb. Komanda Fransa təmsilçisi “Les Piopio” ilə üz-üzə gəlib. Rəqibini 2:1 hesabı ilə üstələyən "Aznur" turnirə qələbə ilə start verib.

Çempion “Birbaşa Bakı” isə İspaniyanın “Malaqa” klubunu sınağa çəkib. Matçın gedişində 2 top fərqi ilə öndə olmasına baxmayaraq, çempionumuz yekunda 1 xalla kifayətlənib.

Çempionlar Liqası

I tur

5 sentyabr

“Aznur” (Azərbaycan) - “Les Piopio” (Fransa) - 2:1

Qollar: B.Quliyev, 2 (1:0), R.Eyvazov, 12 (2:0), M.Vinsent, 17 (2:1)

"Birbaşa Bakı” (Azərbaycan) - “Malaqa” (İspaniya) - 2:2

Qollar: C.Cəfərov, 12 (1:0), E.Əlizadə, 13 (2:0), P.Agüero, 20 (2:1), O.Fernandes, 30 (2:2)

Sabah isə təmsilçilərimiz qrupdakı digər iki oyunlarını keçirəcəklər. “Aznur” 12:00-da “Galport” (Polşa), 19:00-da isə “Andezit”lə (Ukrayna) qarşılaşacaq.

“Birbaşa Bakı” əvvəlcə 14:00-da “Nottingem Livorno” (İtaliya), 21:00-da isə “BKMK Brno” (Çexiya) ilə üz-üzə gələcək.