“Zirə” və “Birbaşa Bakı”dan qələbə, “İnter”dən əzmkar heç-heçə

Minifutbol üzrə Azərbaycan çempionatında X tura yekun vurulub.

Futbolxeber.az saytının məlumatına görə, ikinci gündə daha 4 oyun keçirilib.

Lider “Zirə” ardıcıl 10-cu qələbəsini qazanıb.

“Zirə”nin ən yaxın izləyiciləri “Birbaşa Bakı” ilə “Odlar Yurdu”nun duelindən birincilər qalib ayrılaraq, ikinci pilləyə yüksəliblər.

Futbol üzrə milli komandamızın keçmiş üzvlərindən qurulan “İnter” isə 0:3 hesabı ilə geridə olduğu matçdan heç-heçə ilə ayrılıb.

Azərbaycan çempionatı

X tur

14 fevral

“Abşeron” - “Zirə” 0:3

“İnter” - “Real Bakı” 3:3

“Birbaşa Bakı” - “Odlar Yurdu” 4:1

“Dirçəliş” - “Veteran” 1:4

Qeyd edək ki, bir gün əvvəl keçirilən oyunlarda “Turan” “Dinamo Gəncə”yə (4:3), “Aznur” “Baku Fire”yə (4:3), “Sumqayıt” “Atəşgah Suraxanı”ya (8:2) qalib gəlib, “Siyəzən”lə “Galaxy Baku” heç-heçə (2:2) ediblər.